DE ROERDASSEN HEITE UCH VAN HERTE WELKOM!

Op 11-11-11 gebaore es Remunjse vastelaovesvereniging, maar inmiddels zeen veer ein moderne vastelaovesband dae door gans Limburg optraejt. Van Eijsden toet Venlo, en van Broenssem tot Zjwame! Wiewaal veer de vastelaovesmeziek nuuj elan gaeve mit moderne beats, haaje v’r mit nostalgische instrumente in óze arrangemente de besjtaonde tradiesie in sjtajnd.

As ’t aeve oetkump naeme v’r gaer óze prachtige danseresse van The Movement mit om de ekt get ekstra kasjet te gaeve! Inmiddels höbbe v’r op prachtige Limburgse ievents moge sjpele wie de Ellefdevandellefde, Sjtasiefestasie en Sjolefestasie Remunj, Brikke Aove Koning Carnaval Broenssem, Festilaovend, Bacchus Drieve, Greune Maondaag, Meulemen Melick, Mertsjpektakel, Prinsetreffe, Boetezitting Munstergelaen en in de sjoonste kefeekes van gans Limburg.

Doe kins ós rippertwaar ’t beste omsjrieve es moderne vastelaoves party meziek. Neet allein te beloestere in fibberwaarie, maar ‘t ganse jaor door relevant. Dansbaar, poppy, soms emosjooneel maar baove al enthouzjast en party proof! Óze tekste zeen rauw Remunjs en komme rech vanoet ’t hert. Net zowie de band leje!